هندسة حاسوب ام علم حاسوب ؟

 
1.انا صراحة بدي برمجة حصرا وبنفس الوقت بدي اكون مهندس ، هل بقدر افوت هندسة حاسوب واتعب على حالي بالدورات واتخرج كمبرمج واتوظف رسميا كمبرمج واضرب العصفورين بحجر ؟
2.مين اله الأولوية في الشغل والتوظيف عند الشركات ، خريج هندسه حاسوب ولا خريج علوم حاسوب يعني الشركات عمين بتدور ؟  
وشو وضع الرواتب للتخصصين ؟
وهل الشركات بتدور على مهندسين الحاسوب زي ما بتدور على خريجين علم حاسوب ؟ لأنه فعليا شفت واحد دارس علم حاسوب والشركات من اول ما اتخرج بدت ترن عليه ، فهل هذا الحال موجود في هندسة الحاسوب ؟
3. و شو رح يكون فيه فروقات بين المهندس وعالم الحاسوب اذا تساوى الثنين بنفس مستوى الخبرة في البرمجة ؟
3. هل فيه ميزات بتميز فيها المهندس عن عالم الحاسوب او (العكس) ؟
5. هل بفرق في التوظيف بين شخص ماخد بالجامعه مواد برمجة ، وشخص ماخد مواد برمجة عن طريق دورات ؟ يعني الخطة الدراسية بتفرق مع الشركات ولا اللي بهمهم شو عندك مستوى خبرة ؟
6. هل فيه اي تنازلات رح اتنازلها او اي خسارات في حال اني اخترت هندسة الحاسوب بدل علم الحاسوب ، ناهيك عن التعب والجهد والوقت الزيادة ؟
7. هل رح يكون سابقني عالم الحاسوب – في حال اخترت هندسة الحاسوب – في مجال البرمجة ؟
8. انا بعرف انو اول سنتين في هندسة الحاسوب هي عبارة عن كهرباء وهارد وير وما راح تفيدني في اي اشي في البرمجة ، والتوظيف والعمل فيها شبه مستحيل ، لكن السؤال هل بإمكاني اطلع مبرمج محترف لو تعبت على حالي بالدورات والتعلم الذاتي والشركات تطلبني وانا مش ماخد مواد برمجة في الجامعه ؟
9. وهل الدورات الها هديك الاهمية عند الشركات مقارنة بالمواد الجامعية ؟
١٠ . ايش فيه دورات ممكن اخدها بحيث تزيد احتمال الشغل وتزيدني خبرة مفيده سواء للعمل الحر او للتوظيف في شركة ؟
وهلا كمان في مخطط في بالي وهو اني ادرس هندسة حاسوب واكمل ماجستير علم حاسوب ؟ شو رأيكم في هذا المخطط  ؟ وهل بفيدني في نواحي زي مثلا الشركات تطلبني انا بالاخص من بين الناس او تفتحلي افاق جديدة او تزيد من معدل الراتب ؟