ايناس عياش asked 7 سنوات ago السلام عليكم شو الإجراءات اللي لازم اعملها عشان ادرس تخصص زي الطب علما أنه عندي شهادة بكالوريوس احياء بس معدل التوجيهي لا يسمح بتخصص زي الطب لو بدي اعيد التوجيهي شو هي الاجراءات ؟
rasoolkilani فريق العمل answered 7 سنوات ago أولا, بامكانك تسجلي ماجستير في كلية الطب البشري في تخصصات مثل علم التشريح و الأنسجة أو علم السموم, بدون ما تعيدي توجيهي, لأنها تخصصات مسموحة لخريجي البيولوجي و بامكانك تكملي عليه دكتوراه طبعا, لكن لا تعتبري طبيبة, تعتبري فقط دكتورة مختصة في مجال معين
ثانيا, اذا مصرة تعيدي توجيهي, بامكانك تسجلي مثل باقي الطلبة (تشتري بطاقة جلوس و تقدمي امتحانات الفرع العلمي), اذا نجحتي بالمعدل المطلوب للطب, بامكانك تسجلي طب و تعادلي المواد الي أخذتيها في البكالوريوس لأنه في عدة مواد في خطة الأحياء بتنحسبلك في خطة الطب البشري, و أيضا جميع مواد الجامعة الاختيارية و الاجبارية بتتعادل (طالما معدلك جيد في هاي المواد) و هيك بتقدري تختصري على حالك شوية وقت بدل ما تمضي 6 سنوات تدرسي طب