الأسئلة و الاجاباتتصنيف: تحويل التخصصالتحويل من طب بشري لهندسة ميكاترونيك او البقاء فيها
تامر asked 5 أشهر ago

السلام عليكم ..يعطيك العافية ..انا طالب طب بشري بدرس بمصر سنة تانية وعدتها للسنة السنة الماضية و هالسنة ممكن عيدها للمرة الثانية فانا عمفكر يا اما عيد السنة او احتمال  سافر تركيا ادرس هندسة ميكاترونيك انا من قبل كنت رايد ادرسها بس ما كنت قادر .. بس حاليا عضغط الدراسة والكمية لسنة تالتة واني عمعيد وادفع رسوم عالية عمقول ممكن حول .. لان الطب وقتها اجا هيك فقلت بدرسو خاصة انو مستقبلو منيح الواحد بيقدر يرجع عبلدو وقت يخلص ويختص هنيك او يشتغل ببلدو افضل اما الميكاترونيك بتركيا صعب الواحد وقت يخلص يقدر يرجع يشتغل فيها بسوريا .. فحاسس الخيارين صح والخيارين فيون غلط .. احيانا بقرأ انو الواحد ما يستسلم فبقول لازم كمل بس بطلع عكمية المواد خاصة انو انا ما كتير بالحفظ والانكليزي فبقول ممكن اظبطلي هندسة حتى لو تخلى الواحد عن بعض الطموحات لو مكمل ..واحيانا بقرأ انو الفرص موجودة مانها محصورة بمكان فبقول لازم غير مساري .. وصرلي فترة عهالحالة و التردد وما عارف شو اعمل فحابب اخد نصيحة

1 Answers
Best Answer
rasoolkilani فريق العمل answered 5 أشهر ago

تخصص الطب من ضمن اصعب التخصصات الموجودة في كافة الدول, لكن للعلم تخصصات الهندسة التقنية مثل هندسة الميكاترونكس أيضا معامل الصعوبة فيها مرتفع, و في تحدي في دراستها في تركيا من حيث حاجز اللغة و ممكن تضيع وقت في سنة اللغة الي بتسبق المواد الدراسية.
اذا شعرت انه قدراتك الدراسية غير متناسبة ابدا مع تخصص الطب اذا مافي خيار غير التحويل من التخصص, لكن اذا خيارك البديل هو تخصصات الهندسة مننصحك في اختيار دولة متحدثة باللغة العربية مثل الأردن أو مصر, تحديدا في الجامعات الخاصة نظرا لارتفاع نسبة النجاح فيها
في خيار جيد جدا, و هو دراسة احد تخصصات العلوم الطبية المساندة حتى يتم معادلة المواد الدراسية الي قطعتها خلال دراسة تخصص الطب و ما تروح عليك, علما انه يجب التسجيل في برنامج بنفس لغة التدريس لتخصصك السابق حتى يتم معادلة المواد

Your Answer

8 + 14 =

أغلق القائمة
error: المحتوى محمي